(स्रोत: प्रकाश दिम्दुङ तामाङ, फेसबुक)

गोदावरी, ललितपुर

ललितपुरको पर्यटकीय स्थल गोदावरी नगरपालिका वडा नं. ७ स्थित देउराली भ्यू टावर परिसरमा गत बिहीबार बृहत् सरसफाइ कार्यक्रम सम्पन्न भएको छ। वडा अध्यक्ष मथुरा शर्माको नेतृत्वमा विभिन्न निकायहरूको सामूहिक उपस्थितिमा उक्त क्षेत्रको सरसफाइ गरिएको हो।

​उक्त सरसफाइ अभियानमा श्री बटुकदल गण (नेपाली सेना), टीकाभैरव प्रहरी, भिमसेन आदर्श माध्यमिक विद्यालय परिवार, स्थानीय जनप्रतिनिधिहरू, विभिन्न संघसंस्था र स्थानीय बासिन्दाहरूको संयुक्त सहभागिता रहेको थियो। सहभागीहरूले भ्यू टावर आसपास, पदमार्ग र सार्वजनिक स्थलमा छरिएर रहेका प्लास्टिकजन्य वस्तु, बोतल र अन्य फोहोरहरू संकलन गरी उचित व्यवस्थापन गरेका छन्।

​पर्यटकीय दृष्टिले महत्त्वपूर्ण यस स्थलको प्राकृतिक सुन्दरता जोगाउन र वातावरण स्वच्छ राख्न सबै पक्षको सक्रिय श्रमदानबाट यो कार्य सफलतापूर्वक सम्पन्न भएको छ।