ललितपुर । नेपाली कांग्रेसको संगठन सुदृढीकरण अभियान अन्तर्गत ललितपुर निर्वाचन क्षेत्र नम्बर ३ मा उत्साहजनक सहभागिता देखिएको छ। क्षेत्रीय सभापति महेश्वर थापाका अनुसार यस क्षेत्रबाट नयाँ क्रियाशील सदस्यताका लागि १५१३ जनाको आवेदन दर्ता भएको छ।

​पार्टीको आगामी १५औँ महाधिवेशनको तयारी र संगठन विस्तारलाई प्राथमिकता दिँदै सभापति थापाले नयाँ सदस्यहरूलाई स्वागत गर्नुभएको छ। उहाँले नवआगन्तुक साथीहरूको आगमनले क्षेत्रमा पार्टीको जग अझ बलियो हुने र लोकतन्त्रको रक्षाका लागि नयाँ ऊर्जा थपिने विश्वास व्यक्त गर्नुभयो। "पार्टीप्रति युवा र आम नागरिकको यो आकर्षणले कांग्रेसको भविष्य अझ उज्ज्वल रहेको संकेत गर्छ," थापाले भन्नुभयो। आवेदन परेका सबै सदस्यहरूसंगठनमा सक्रिय हुन अपिल गरिएको छ।