त्रिवि दीक्षान्त समारोह: ट्राफिक व्यवस्थापन र वैकल्पिक मार्ग प्रयोग गर्न आग्रह
त्रिभुवन विश्वविद्यालयको ५१ औँ दीक्षान्त समारोह भोलि (२०८२ पुस १० गते) दशरथ रङ्गशालामा आयोजना हुँदैछ। बिहान ९:३० देखि अपराह्न ४:०० बजेसम्म सञ्चालन हुने यस कार्यक्रमका कारण त्रिपुरेश्वर क्षेत्रको सडकमा सवारी चाप अत्याधिक हुने ट्राफिक प्रहरीले जनाएको छ।
पार्किङ व्यवस्था:
VVIP/VIP: रङ्गशालाको मुख्य गेट छेउमा।
आयोजक: राष्ट्रिय खेलकुद परिषद् (राखेप) परिसरमा।
सवारी साधन: कन्सुलर विभाग र टुँडिखेलमा दुई पाङ्ग्रे तथा चार पाङ्ग्रे दुवैको पार्किङ तोकिएको छ।
दुई पाङ्ग्रे मात्र: वर्ल्ड ट्रेड सेन्टर र आर्मी हेडक्वाटर अगाडिको क्षेत्र।
समारोह अवधिभर त्रिपुरेश्वर सडक खण्डमा सवारी आवागमन प्रभावित हुने भएकाले ट्राफिक प्रहरीले सर्वसाधारणलाई वैकल्पिक मार्ग प्रयोग गरी सहयोग गर्न अनुरोध गरेको छ। दीक्षार्थी र अभिभावकहरूलाई समयमै पुग्न र पार्किङ नियम पालना गर्न समेत सूचित गरिएको छ।
