डडेलधुरा-१ बाट नैनसिंह महरले पाए चुनावी टिकट, देउवा बाहिरै रहने
275 views

नेपाली कांग्रेसले डडेलधुरा-१ बाट नैनसिंह महरलाई प्रतिनिधि सभा सदस्यको उम्मेदवार मनोनीत गरेको आधिकारिक पत्र सार्वजनिक।
डडेलधुरा: आगामी २०८२ फागुन २१ गते हुने प्रतिनिधि सभा सदस्यको निर्वाचनका लागि नेपाली कांग्रेसले डडेलधुरा निर्वाचन क्षेत्र नं. १ बाट नैनसिंह महरलाई उम्मेदवार मनोनीत गरेको छ। पार्टीका आधिकारिक पत्र अनुसार, महरलाई "पहिलो हुने निर्वाचित हुने" (FPTP) निर्वाचन प्रणाली अन्तर्गत उम्मेदवार चयन गरिएको हो।
लामो समयदेखि शेरबहादुर देउवाको गढ मानिएको डडेलधुरामा यसपटक देउवाको नलडेर भएपछी युवा नेता महरले टिकट पाउनुलाई राजनीतिक रूपमा अर्थपूर्ण मानिएको छ। भागेश्वर गाउँपालिका वडा नं. ३ का स्थायी बासिन्दा महर नेविसंघका पूर्व केन्द्रीय अध्यक्ष हुन्। कांग्रेसले उनलाई सो क्षेत्रको एकमात्र आधिकारिक उम्मेदवारका रूपमा अघि सारेको छ। यो निर्णयसँगै डडेलधुराको राजनीतिमा नयाँ उत्साह थपिएको छ।