आशिका तामाङ धादिङ–१ बाट रास्वपाको उम्मेदवार चयन

​काठमाडौं, ५ माघ ।

सामाजिक अभियन्ता आशिका तामाङ आगामी निर्वाचनका लागि धादिङ क्षेत्र नम्बर १ बाट राष्ट्रिय स्वतन्त्र पार्टी (रास्वपा) को आधिकारिक उम्मेदवार बनेकी छन्। सोमबार रास्वपा पार्टी कार्यालयमा आयोजित कार्यक्रममा नेता गणेश पराजुलीले उनलाई चुनावी टिकट हस्तान्तरण गरेसँगै उनको उम्मेदवारी निश्चित भएको हो।

​विभिन्न सामाजिक मुद्दाहरूमा आवाज उठाउँदै आएकी तामाङले यसअघि रास्वपाकै समानुपातिक उम्मेदवार चयन प्रक्रियाप्रति सामाजिक सञ्जालमार्फत असन्तुष्टि जनाएकी थिइन्। तर, पार्टीभित्रको छलफल र सहमतिपछि उनी अब प्रत्यक्षतर्फको चुनावी प्रतिस्पर्धामा होमिएकी हुन्।

​धादिङ-१ मा तामाङको उम्मेदवारीलाई अर्थपूर्ण रूपमा हेरिएको छ। सामाजिक अभियानमा सक्रिय छविका कारण उनले युवा मतदाताको राम्रो साथ पाउने अपेक्षा गरिएको छ।