काठमाडौं । अनेरास्ववियु सगरमाथा इन्जिनियरिङ कलेज कमिटीको संयोजकमा कमरेड रिदम बराल चयन हुनुभएको छ। विद्यार्थी आन्दोलनप्रति उहाँको लामो समयदेखिको समर्पण, वैचारिक स्पष्टता र सशक्त नेतृत्व क्षमताको उचित मूल्यांकन गर्दै संगठनले उहाँलाई यो महत्वपूर्ण जिम्मेवारी सुम्पिएको हो।
नवनियुक्त संयोजक बराललाई संगठनका नेता तथा कार्यकर्ताहरूले हार्दिक बधाई ज्ञापन गर्दै सफल कार्यकालको शुभकामना व्यक्त गरेका छन्। बरालको नेतृत्वमा कलेजमा संगठन थप सुदृढ, अनुशासित र परिणाममुखी हुनेमा सबै विश्वस्त देखिएका छन्। विद्यार्थी हकहितको रक्षा गर्दै सांगठनिक संरचनालाई नयाँ उचाइमा पुर्याउन र शैक्षिक मुद्दाहरूलाई तार्किक निष्कर्षमा पुर्याउन उहाँको भूमिका महत्वपूर्ण रहने अपेक्षा गरिएको छ। दिइएको जिम्मेवारीलाई सफलतापूर्वक वहन गर्दै कलेजस्तरमा संगठनलाई थप बलियो बनाउने विश्वास समेत लिइएको छ।
@shinenews
