ललितपुर । पाटन संयुक्त क्याम्पस, पाटनढोकाको स्वतन्त्र विद्यार्थी युनियन (स्ववियु) ले रसुवास्थित भोटेकोशी नदीमा आएको भिषण बाढीबाट प्रभावित भएकाहरूलाई तत्काल उद्धार तथा आवश्यक सहायताका लागि सार्वजनिक अपिल जारी गरेको छ।
स्ववियुले २०८३ भाद्र १० गते बिहान ९:०० बजे आएको आकस्मिक बाढीका कारण रसुवा, नुवाकोट, धादिङ लगायतका तटीय क्षेत्रमा अपूरणीय क्षति पुगेको जनाउँदै ज्यान गुमाउनेहरूप्रति हार्दिक श्रद्धाञ्जली अर्पण गरेको छ।
बाढीका कारण पाटन संयुक्त क्याम्पसमा अध्ययनरत विद्यार्थी, शिक्षक तथा कर्मचारीका आफन्तजनहरूसमेत प्रभावित भएको र कतिपय व्यक्तिहरू अहिलेसम्म अज्ञात रहेको स्ववियुले जनाएको छ। विपद्को यस कठिन घडीमा खोजी तथा उद्धार कार्यलाई तीव्र र प्रभावकारी बनाउन क्याम्पस समुदायलाई एकजुट हुन आग्रह गरिएको छ।
स्ववियुले आफ्ना परिवारजन वा आफन्तहरू बाढीबाट प्रभावित भई उद्धार गर्नुपर्ने अवस्थामा रहेकाहरूलाई यथाशीघ्र स्पष्ट विवरणसहित स्ववियु कार्यालयमा सम्पर्क गर्न अनुरोध गरेको छ।
सम्पर्कका लागि जिम्मेवार पदाधिकारीहरू:
रोहित कपाली (अध्यक्ष): ९८५१३४९२५३ / ९८६१३१०२५३
रिक्वेस्ट महर्जन (उपाध्यक्ष): ९८४०२८५५३४
रुपक न्यौपाने (सचिव): ९८५१२४२८२०
माइकल प्रजा (सहायक सचिव): ९८४३१२२५९४
प्रज्वल तामाङ (कोषाध्यक्ष): ९७६३६०३३३२
स्ववियुले विपद्मा परेका नागरिकहरूको शीघ्र सकुशल उद्धारको कामना गर्दै सबै पक्षलाई समन्वय र सहयोगका लागि आह्वान गरेको छ।
