एमाले परित्याग गरी रामबहादुर र काजीमान नेपाली कांग्रेसमा प्रवेश

बागमती, ललितपुर बागमती गाउँपालिका वडा नं. ७ गिम्दी, मोजेडाँडामा आयोजित एक कार्यक्रमका बीच नेकपा एमालेका दुई सक्रिय नेता नेपाली कांग्रेसमा प्रवेश गरेका छन्। विगत लामो समयदेखि एमालेमा सक्रिय रहँदै आएका रामबहादुर लोप्चन र काजीमान सिंतान एमाले परित्याग गरी कांग्रेसमा प्रवेश गरेका हुन्।

​नेपाली कांग्रेस बागमती गाउँपालिकाका सभापति एवं गाउँपालिका अध्यक्ष वीरबहादुर लोप्चनको प्रमुख आतिथ्यता तथा स्थानीय नेता सिर्जन रुम्बाको विशेष सक्रियतामा उक्त पार्टी प्रवेश कार्यक्रम सम्पन्न भएको हो।

​नवप्रवेशी नेताहरूलाई स्वागत गर्दै सभापति लोप्चनले पार्टीमा उचित जिम्मेवारी दिइने प्रतिबद्धता जनाउनुभयो। युवा नेता साजन गोलेका अनुसार, उनीहरूको आगमनले गिम्दी क्षेत्रमा कांग्रेसको संगठन थप सुदृढ र बलियो हुने विश्वास लिइएको छ।