काठमाडौं — नेपाली कांग्रेसले आगामी निर्वाचनका लागि समानुपातिक प्रणालीतर्फको उम्मेदवारको बन्दसूची निर्वाचन आयोगमा बुझाएको छ। पुस १४ गते आयोगमा निवेदन दर्ता गराएको कांग्रेसले पुस १५ गते औपचारिक रूपमा नामावली पेस गरेको हो।
बुझाइएको सूचीमा सातै प्रदेशबाट समावेशी प्रतिनिधित्व गराइएको छ। कांग्रेसका अनुसार बागमती प्रदेशबाट सबैभन्दा बढी २२ जना र मधेश प्रदेशबाट २१ जना उम्मेदवार समेटिएका छन्। त्यसैगरी कोसीबाट १८, लुम्बिनीबाट १७ र गण्डकीबाट ११ जनाको नाम सिफारिस गरिएको छ। कर्णाली र सुदूरपश्चिम प्रदेशबाट १०–१० जना उम्मेदवारहरू सूचीमा समावेश छन्।
पार्टीभित्रको आन्तरिक छलफल र पदाधिकारीहरूको सहमतिपछि तयार पारिएको यो सूचीमा क्लस्टर अनुसार महिला, दलित, आदिवासी जनजाति, मधेसी, थारु र मुस्लिम समुदायको सन्तुलित प्रतिनिधित्व रहेको दाबी गरिएको छ। आयोगले अब यी नामावलीको कानुनी मापदण्ड र योग्यता जाँच गर्ने प्रक्रिया अघि बढाउनेछ।
@shinenews
