​निर्वाचनमा 'दीपफेक' को जोखिम: सचेत रहन आयोगको आग्रह

​काठमाडौँ, माघ ८ – निर्वाचन आयोगले आगामी निर्वाचनका क्रममा 'दीपफेक' (Deepfake) प्रविधिमार्फत फैलाइने भ्रामक सूचनाप्रति उच्च सतर्कता अपनाउन अपील गरेको छ। आर्टिफिसियल इन्टेलिजेन्स (AI) को प्रयोग गरी वास्तविक जस्तै देखिने झुटा भिडियो र अडियो बनाएर मतदातालाई भ्रमित पार्ने जोखिम बढेको भन्दै आयोगले सचेतना फैलाएको हो।

​आयोगका अनुसार, कसैको अनुहार वा आवाज दुरुपयोग गरी बनाइएका यस्ता सामग्रीले निर्वाचनको निष्पक्षतामा खलल पुर्‍याउन सक्छन्। सूचनाको सत्यता परीक्षण नगरी सामाजिक सञ्जालमा सेयर नगर्न र शंकास्पद सामग्री भेटिएमा आधिकारिक निकायमा जानकारी गराउन आग्रह गरिएको छ। प्रविधिले सिर्जना गर्ने यस्तो 'गहिरो भ्रम' बाट बच्न डिजिटल साक्षरता अपरिहार्य रहेको विज्ञहरूको भनाइ छ।