समयको सम्मान र क्षमायाचना: गुल्मीमा सागर ढकाल र गोविन्द पन्थीको 'उठबस'

गुल्मी: राजनीतिक संस्कारमा समयको महत्त्व कति हुन्छ भन्ने उदाहरण जेन्जी (Gen-Z) पुस्ताका उम्मेदवारहरूले प्रस्तुत गरेका छन्। गुल्मी क्षेत्र नम्बर १ का रास्वपा उम्मेदवार सागर ढकाल र क्षेत्र नम्बर २ का उम्मेदवार गोविन्द पन्थीले कार्यक्रम स्थलमा ढिला पुगेपछि अनौठो शैलीमा माफी मागेका छन्।

​निर्धारित समयभन्दा ढिला उपस्थित भएका उम्मेदवारद्वयले जनताको समय खेर फालेको भन्दै सार्वजनिक रूपमै उठबस गरेर क्षमायाचना गरे। आफ्नो गल्ती स्वीकार्दै उनीहरूले राजनीतिमा नयाँ र पारदर्शी संस्कारको सुरुवात गर्न खोजेको बताए। चुनावी अभियानलाई सादगी र अनुशासित बनाउने उनीहरूको यो कदमले सामाजिक सञ्जालमा चर्चा पाएको छ।