काठमाडौँ, २२ पुस २०८२ नेपाली कांग्रेसका नेता एवं पूर्व उपसभापति विमलेन्द्र निधिमाथि पार्टी केन्द्रीय कार्यालय सानेपामा भएको दुर्व्यवहारको विरोधमा आज साँझ काठमाडौँको कोटेश्वरमा विरोध प्रदर्शन गरिएको छ।
नेपाल विद्यार्थी संघ र तरुण दलका कार्यकर्ताहरूले नेता निधिमाथि भएको अपमानजनक व्यवहारको घोर भर्त्सना गर्दै महामन्त्री गगन थापाको पुत्ला दहन गरेका हुन्। प्रदर्शनकारीहरूले "नेतामाथि दुर्व्यवहार गर्न पाइँदैन", "नेपाली कांग्रेस जिन्दावाद" र "शेरबहादुर देउवा जिन्दावाद" जस्ता नाराबाजी गर्दै वृहत् राँके जुलुस निकालेका थिए।
नेपाल विद्यार्थी संघ (नेविसंघ) रामेछाप–काठमाडौं सम्पर्क समितिका अध्यक्ष राजेश भण्डारी र नेपाल तरुण दलका केन्द्रीय सदस्य सुशील बुढाथोकीको नेतृत्वमा भएको उक्त प्रदर्शनमा उल्लेख्य संख्यामा विद्यार्थी र युवा नेताहरूको सहभागिता रहेको थियो। विरोध सभालाई सम्बोधन गर्दै नेतृत्वकर्ताहरूले पार्टीका वरिष्ठ नेताहरूमाथि हुने यस्ता उच्छृंखल गतिविधिले पार्टीको आन्तरिक एकतामा खलल पुर्याउने र यसलाई कुनै पनि हालतमा स्वीकार नगर्ने चेतावनी दिएका छन्
@shinenews
