काठमाडौं — नेपाली कांग्रेसको १५औँ महाधिवेशनमा भिम सिंह गुरुङले केन्द्रीय सदस्य पदमा उम्मेदवारी दिने भएका छन्। २०४४ सालदेखि विद्यार्थी राजनीतिमा प्रवेश गरेका गुरुङ लामो समयदेखि कांग्रेसको संगठन तथा लोकतान्त्रिक आन्दोलनमा सक्रिय रहँदै आएका छन्।
गुरुङले २०४४ सालदेखि विद्यार्थी राजनीतिमार्फत आफ्नो राजनीतिक यात्रा सुरु गरेका हुन्। उनी नेपाल विद्यार्थी संघमा तीन कार्यकाल विभिन्न जिम्मेवारीमा रहेर सहमहामन्त्रीसमेत भएका छन्। विद्यार्थी राजनीतिबाट कांग्रेसको मूल राजनीतिमा सक्रिय हुँदै आएका गुरुङले आजसम्म निरन्तर रूपमा पार्टी संगठनमा काम गर्दै आएका छन्।
लामो राजनीतिक यात्राका क्रममा गुरुङ पार्टीको विचार, सिद्धान्त र आफूले अंगालेको राजनीतिक आदर्शप्रति प्रतिबद्ध रहँदै आएका छन्। कांग्रेसका विभिन्न आन्दोलन तथा संगठनात्मक गतिविधिमा अग्रभागमा रहेर सक्रिय भूमिका निर्वाह गर्दै आएका गुरुङ युवामाझ ‘भिम दाइ’का रूपमा परिचित छन्।
युवाहरूसँग निरन्तर हातेमालो गर्दै आएका गुरुङले नयाँ पुस्तालाई कांग्रेसको मूलधारमा जोड्नुपर्ने धारणा राख्दै आएका छन्। युवाको सहभागिता र नेतृत्व विकासलाई प्राथमिकता दिँदै पार्टी संगठनलाई थप बलियो बनाउनुपर्नेमा उनले जोड दिँदै आएका छन्।
गुरुङ यसअघि महासमिति सदस्यसमेत भएका छन्। विद्यार्थी राजनीतिबाट सुरु भएको उनको राजनीतिक यात्रा विभिन्न संगठनात्मक जिम्मेवारी हुँदै अहिले कांग्रेसको केन्द्रीय सदस्य पदको उम्मेदवारीसम्म आइपुगेको छ।
कांग्रेसको लोकतान्त्रिक आन्दोलनमा लामो समयदेखि सक्रिय रहेका गुरुङले आफ्नो राजनीतिक यात्रामा निष्ठा, निरन्तरता र आफूले अंगालेको आदर्शलाई प्राथमिकतामा राख्दै आएका छन्। युवाहरूसँग सहकार्य र हातेमालो गर्दै पार्टीको विचार तथा लोकतान्त्रिक मूल्य–मान्यतालाई अगाडि बढाउने प्रतिबद्धतासहित उनी महाधिवेशनमा प्रस्तुत भएका छन्।
@ShineENews
